Gerîla TV de dîmenê çalakîya gerîlayan a Şemzînanî ya ke 4’ê Gulane de ameyebî viraştene, ameyî weşanayene.

HPG’yî derheqê çalakîye de nê zanayîşî dayîbî: “Çarçewaya Hemleya Şorişgêre ya Şehîd Bager û Şehîde Ronya ya ke Wareyê Pawitişî yê Medya de dewam kena, 4'ê Gulane saete 14:10 de qezaya Şemzînanî ya Colemêrgî de hêzanê ma vera qerargehêkê dişmenî yê verê Qereqolê Bêzokê çalakîyêk viraşte. Hêzê ma kewtê qerargehî û nêzdî ra bi tewirê biluskî çalakîye viraşte. Çalakîye de 3 mewzîyê dişmenî ameyî waroginayene û kewtî destê hêzanê ma. Hêzê ma şîyî serê cenazayanê 7 eskeranê dişmenî û dest na serê çekanê înan. 7 eskerê dişmenî zî bî birîndar. Hûmara merde û birîndaranê dişmenî bena ke zêdetir ba. Netîceyê çalakîye de 5 çekê ferdî yê G-3, Çekêk BKC a otomatîke, rextê çeka G-3, zincîrêk BKC û kaskêkê hêzanê dişmenî kewtî destê hêzanê ma.''