Fermandaranê HPGyî ra Doktor Bager Baranî ard ziwan ke dewleta tirke vera gerîlayan gazê kîmyewîyî yê cîya cîyayî şuxulnayî û semedê cigêrayîşê babete veng da dezgehanê eleqedaran.

Fermandaranê HPGyî ra Doktor Bager Baranî sere de gerîlayê ke Hemleya Şorişgêre ya Cengê Xabûrî û Hemleya Şorişgêra ya Bazanê Zagrosî şehîd bîyî yad kerdî û vat: ''Înan bi ruhê fedayîyî cewab da dişmenî û bîyî sembolê heqîqetî.''

Bager Baranî ard ziwan ke dewleta tirke bi metodanê tewr leyminan hêriş kena û vat: ''Her kes/e zano ke vera gerîlayan çekê qedexeyî yenê şuxulnayene. Na rewşa ke hetê qet kesî/e û dewletêke ra nîna qebulkerdene eke babete kurdî bê dezgeh û dewletê eleqedarî bêveng mamenê. Na raştîyêk a. Hemrayê ma pê çekanê normalan ê teknîkîyan şehîd nêbîyî. Çekê kîyewîyî ke yenê şuxulnayene eslê xo de hetê heme dewletan ra ameyî qedexekerdene. Dewleta tirke tewr zaf nê gazanê kîmyewîyan tunelan de şuxulnena ke sûcê xo yê şerî binimino. Gazê aûxyinî têna vera gerîlayan ney vera heme ganîyan rîskêko pîl o. Gazê ke yenê şuxulnayene  bênêfes verdenî. Heme ganîyan bênêfes verdenê û mirnenê.''

Baranî wina dewam kerd: ''Gazê ke qala ci yena kerdene tespîtê ci zehmet o. Mesela tay gazî sînîran ser o tesîr kenê. Semedê tesbîtkerdişê înan malzemyo ke hewce keno ma de çîn o. Laboratuvar hewce keno. Dewleta tirke seke nê gazan şuxulnena zana ke tesbîtkerdişê ci zehmet o. Ma cenazayanê embazanê xo ra vînenê ke çekê kîmyewîyî yenê şuxulnayene.Gazê kîmyewîyî têna bênefes nêverdene eynî wextî de axû kenê û çermeyî vêşnenî. Ma no pê çimanê xo dî. Ganî dezgehê eleqedarî yê ke vera çekenê qedexeyan û gazanê kîmyewîyan berpirsîyar ê bêrê tîya cigêrayîş bikerê. Eke semedê cigêrayîşî heyetî bêrê ma eşkenê hetkarîya înan bikerê. Pê qele ma nêeşkenê pênas bikerê ganî merdim pê çimanê xo bivîno.''