Dimayo ke hetê îqtîdarê faşîstî yê AKP-MHP’yî ra Şaredarîyê Bajaranê Pîlan ê Amed, Wan û Mêrdînî rê qeyûm ame eştene, dormeyê înan reyna bi barîyeran ame girewtene.

Walîyê Amedî Hasan Guzeloglû sey qeyûmî Şaredarîya Pîlî ya Amedî rê ame tayînkerdene. Bado zî berê şaredarîyî hetê polîsan ra ameyî şiktene û sereştiş ame kerdene. Mêrdîn de zî dimayo ke walî Mûstafa Yaman şaredarîye rê ame tayînkerdene polîsan eşt şaredarîye ser. Dormeyê bananê şaredarîyan de barîyerê ke dimayê weçînitişê 31’ê Adare ameybî wedartene reyna ameyî ronayene.