Hemşaredarê Şaristanê Pîlî yê Amedî  Selçuk Mizrakliyo ke herinda ci de qeyûm amebi tayînkerdene, hemşaredara qezaya Peyasî Kezîban Yilmaze, hemşaredarê Bîsmîlî Orhan Ayaz û hemşaredara Karazî Rojda Nazliere  yê ke çerçeweya cigêrayîşî yê Serdozgerîya Komare ya Amedî de serê sibayî ameyî destbendkerdene. Derheqê dosyaya her 4 hemşaredaran de qerarê sînordarkerdişî ame dayene.

Seba ke qerarê sînorkerdişê dosya ame dayene, eşkera nêbîyo ke hemşaredarî qey ameyî destbendkerdene. Hemşaredar Selçuk Mizrakli û Rojda Nazlier ameyî berdene bi Qereqolê Leşkerî yê Şaristanî, Kezîban Yilmaze û Orhan Ayaz zî ameyî berdene bi Mudirîya  Polîsan a Şaristanî.