Fermandaranê HPGyî ra Dr. Mazmûm Dêrsimî bi wesîleya serrgêra Hemleya 15ê Tebaxe ANFyî rê qisey kerd.

Dêrsimî Hemelaya 15ê Tebaxe semedê kurdan sey çîyêkê mecbûrî  hesibna û vat: ''Çunke dewleta tirke ya nîjadperest û faşîste qet çîyêkê kurdan qebul nêkerdêne. Pê çar parçekerdişê kurdan ame waştene ke înan ra çîyêk memano. Serkêşîya Rayber Apoyî de kurdan semedê destfînayîşê ercanê xo hemleyêka tarîxî daye destpêkerdene. Dewleta tirke vera na hemle muracatê heme rayîranê leyminan kerd. Vera nê zî zîndanan de têkoşînêko bêhempa ame dayene. Seba ke têkoşîn ser bikewo serkêşîya Fermandar Egîdî de Hemleya 15ê Tebaxe dîyaye despêkerdene. Na hemle verê çînbîyayîşî girewt.''

Dr. Mazlûm Dêrsimî wina dewam kerd: ''Ewro têkoşînê PKKyî resayo asta tewr berze. Bi paradîgmaya Rayber Apoyî îradeyo pîl vejîya werte. Dewleta tirke bi serran o vana ma qedîna, qedînenê la PKK tim pîlêr beno û dahîna bibo pîl. Ganî her kes naye bizano. Îdeoloya Rayber Apoyî çar hetanê dinya ra vila bîye. Kurdî wayîrê na herre yê û qet heqê çewî çîn o ke kurdan herra înan ra vejo. Ma herra çewî îşxal nêkerda. Dewleta tirke na herre îşxal kerda. Coka ganî dewleta tirke na herre ra vejîyo. Ma do bi heme hêzê xo têkoşîn bikerê û nê îşxalkeran erdê xo ra vejê. Wa heme dinya nê bizano.''

Mazlûm Dêrsimî bale ante serê şerê wehşî û leyminî yê dewleta tirke ser û vat: ''Dewleta tirke teberê îşxal û talanî de çîyêkê bînî nêzana. Semedê înan qet çew çîn o, têna ê na dinya de ciwîyenê. Artêşa tirke ya ke sey koleyê xo ancena mîyanê şerî, mergî rê şawena. Seba ke polîtîkaya xo ya leymine rehat rayra bero. Semedê aye qiymetê leşkerêkî çîn o. Ez bi ruhê têkoşînê Zap, Avaşîn û Metîna Roşanê Ganîbîyayîşî yê şarê kurdî pîroz kena û vana ma do bi ruhê 15ê Tebaxe heta serkewtişî têkoşîn bikerê û faşîzmê birijnê.''