Dr. Serbilind Dersimo ke koyanê Kurdîstanî de hem gerîla hem zî doktor o derheqê vîrusê Korona de ANFyî reyde qisey kerd.

Qiseykerdişê Dr. Serbilind Dersimî ra beşêk wina yo:

''Vejîyayîşê vîrusan newe nîyo. Serra 1914î, serra 1963î de û tewr peyêne serra 2003î de vîrusê SARS vejîyabî werte. SARS 37 welatan de vila bi. Arabîstane de zî vîrusê MERS vejîya werte. Korona versîyonê keyeyê vîrusî yê seserran o. Zanyaran zanayêne ke her seserre de vîrusêko winasên vejîyeno werte.

Tirkîya de polîtîkaya raştikêne ya weşîya qet nêameye caardene. Erdogan meaşêk ney 7 meaşanê xo zî bido nêeşkeno baca ke şarî ra diznaye tepîya bido. Erdogan herinda ke qesran bivirazo seba weşîya komelî, xebatkaranê weşîye, kokiman sermaye bikerdêne nika do bieşkayêne vera vîrusê Korona têkoşîn bikero. Îqtîdarê ey hînî qels bîyo. Şar zî naye zaneno. 

Rayber Apoyî vat 'Modernîteya kapîtalîste komelêko bikanser awan kerd.' Modernîteya kapîtalîste no vîrus viraşt, çunke hevsengê homayî herimîya. Vera naye tek çare esta, a zî awankerdişê paradîgmaya Rayberîye ya demokratîke, ekolojîke û azadîya cinîyan a.

Ma waranê gerîlayan de zî vera vîrusê Korona tedbîrî girewtî. Seba komelî ma eşkenê vajê ke mesafeyê komelkî bîyaro ca, giranîye bido pakîya destan ser. Ganî bedenê merdiman xurt bibo. Pê paştdayîşê komelî, pê fekveradayîşê modernîteya kapîtalîste komel do selamet bibo.''