Fermandarê Pêroyî yê Hêzanê Sûrîyeya Demokratîke (QSD) Mazlûm Ebdî û Hemsereka Daîreyê Tekîlîyanê  Teberî yê Îdareyê Xoserî yê Rojwanî Îlhame Ehmed bi Wezîrê Karanê Teberî yê Fransa Jean-Noel Barrotî  Hewlêr de pêvînayîş kerd.

Pêvînayîş de rayîrê paştdayîşê asayîş û çareserîya sîyasîye ya herême, averberdişê dîyalogan ê mabênê hetanê surîyeyijan rolê Fransa yê paştdayîşê cehdkerdişê çareserîya sîyasîyî ameyî destgirewtene.

Fransa cuwa ver zî paştî dabi pêkerdişê mabênê QSD û hukmatê Şamî û no sey gamêka ver bi çareserîya sîyasîye ke yewîya Sûrîye û heqanê pêro pabesteyanê ci gena binê asayîşî, name kerd.