Bi talîmatê Wezîrîya Karanê Zereyî yê Tirkî 6 endamanê  Partîya Demokratîke ya Şaran (HDP)  ya meclîsê Şaredarîya Milazgirî ya Mûşî ra Sema Tekîn wezîfeyî ra ameye girewtene.

Qerarê dûrîfînayîşê wezîfeyî hete asayîşê qeza ra bi telefonî Sema Tekîn rê ame dayene la sebebê ci nêame vatene. Meclîsê Şaredarîye de 6 êndamê HDP, 4 yê AKP û 1 yê CHPyî estbî.

Tekîne vera nê qerarî hêrsê xo ard ziwan û vat serkewtişê cinîyan rê tehemulê înan çîno ke coka nê wextê Korona de zî hêrişê destkewteyanê ma kenê. Teknîne no qerar sey derbe name kerd û vat şar ma vîjna û têna şar eşkeno wezîfeyî ra bîgêro.

Vîjnayîşê 31 adare de Milazgir de HDPyî 3 hezar û 638 reyî, AKP zî 3 hezar û 641 reyî girewtî. 432 reyî zî nêhesibîyayî. HDPyî waşt ke nê reyî newa ra bêrê hûmartene la heme muracatê înan hetê Heyetê Weçînitişî yê Berzî (YSK) ra ameyî redkerdene.