Kombîyayîşê senato yê Unîversîteya Artûklû ya Mêrdînê de qerarê qefilnayîşê Enstîtuya Ziwananê Ciwîyayenan a Tirkîya  ya ke demê bêpêkewtişî de ameyebî akerdene, ame girewtene.

Qerar semedê tesdîqkerdişî YOK’î rê ame şawetene.  Kombîyayîş de bi 17 reyanê qebûlî  û 7 reyanê redî qerarê Enstîtuya Ziwananê Ciwîyayenan aTirkîya  ame girewtene. Akademîsyen Selîm Temoyî hemverê qerarî de medyaya sosyale ra reaksîyon da û no qerar sey dişmenîya vera Kurdkî hesibna.

Enstîtuya ka 2009 de ameye akerdene a roje ra nate 70 bitezî û 699 zî bêtezî xebatê lîsansê berzî ameyî kerdene. Enstîtuya ke bi amancê perwerdeyê Kurkî ameye akerdene nameyê ci sey Enstîtuya Kurdî nê Enstîtuya Ziwananê Ciwîyayenan ame bewlîkerdene. Bado zî Enstîtu de ca dîya beşê Ziwan û Kulturê Ereban û Suryanîyan zî.