Fermandaranê Qerargehê Merkezê Pawitişê Şarî ra Dr. Bahoz Erdal tewrê bernameyêkê taybetî yê Radyoyê Dengê Welatî bi û  persanê Arjîn Ferate rê cewabî dayî.

Bahoz Erdalî  bale ante hêrişê dewleta tirke û xoverdayîşê gerîlayan ser û vat: "Dişmen Vakurê Kurdîstanî de û Herêmanê Pawitişî yê Medya de tay operasyonan keno. Nê operasyonî vera cayêkî yan zî operasyonê pêroyî yê. Bi propaganda û şerêkê psîlolojîkî nê çîyî vejenê ver ke merdim vano qey înan no ca fetih kerd. Operasyonan ra dima xeberanê zûran danê ke bi şerê psîkolojîkî şarê ma ser o tesîr bikê.Gerîlayî nê payîzî de pratîkanê xo de tay vurnayîşî ardî ca. Gerîlayê Azadîya Kurdîstanî ameyî asta ke rêçê xo danê vînkerdene. Naye ra artêşa tirke û îstîxbaratê ci qerqilîyenê û wazenê operasyonan bikê. Çunke hînî raştê rêçanê gerîlayan nênê. Gerîlayî ça de yê se kenê xebera înan pê çin a. Na yena a mana ke artêşa tirke çin bîye.

Dişmenî bi operasyonanê vera Herêmanê Pawitişî yê Medya qiyamet kerd ra la netîceyêko pratîk nêgirewt. Derbêka pîle nêdaye gerîlayan ro û cayê têgêrayîşê gerîlayan nêameyî edilnayene. Heya dişmen eşkeno operasyonan biker, hêriş bikero û nê şerî de vînîbîyayeyê ma zî estbî labelê Gerîlayanê Azadîya Kurdîstanî îspat kerd ke ê çin nêbenê. Serra 2020î do biba serra gerîlayan, gerîlayî do dewleta tirke ya faşîste ra hesab bipersê û derbêka pîle bidê îqtîdarê AKPyî ro. Armancê gerîlayan ê serra newîye bi kilmêkî wina yê. Ganî embazê ke zindanan de yê bizanê ke mabênê gerîlayan û zindanan de têkilîyêka xurte esta. Gerîlayî zerrîya xo seba embazanê ke zindanan de yê akenê, xoverdayîşê înan ra moral û kelecanêkê pîlî gênê. Ez nameyê Gerîlayanê Azadîya Kurdîstanî ser o înan rê selam kena."