Wendekara Zanîngehê Wanî Rojîne Kabaiş 27ê êlule de wargehê wendekaran ra vejîyabî û dima tira xeberêke nêamebî girewtene. Cenazaya Rojîne Kabaiş badê 18 rojan qeraxê Gola Wanî de ameye dîyene. Sere de Wan de xeylêk bajaran de cinîyî wiriştî payan ser û nêrazîbîyayîş mojna ra. Otopsîya verêne ya Dezgehê Tipê Edlî (ATK) de ame dîye ne zanî, erme û sîneyê ci de morîye est a. Raporo verên nêdîya Baroyê Wanî.

Sereka Pêroyî ya Komeleya Heqanê Merdiman  (ÎHD) Erene Keskina ke babete ANFyî rê erjna, ard ziwan ke mergê Rojîne Kabaiş zî sey vîndîkerdişê Gulîstane Doku mergê Garibe Gezer şikkerde yo.

Eren Kesina ke hadîseya Rojîne Kabais teqîp kena, vat: ''Cogafyayêka tede hende qetilkerdişê cinîyan û şîdetê vera cinîyan est o, hedîseya Rojîne Kabaiş sere ra şikkerde ya.

Keskine nê vatî: '' Ma qet çew zî xokişitişî nêanê vîrê xo. Goreyê vatişê keyeyê ci Rojîne bi keyfî xo pîya bi babîye xo şîya Wan ke tîya unîversîte biwano û  semedê xo kiştişî ne sebeb ne zî nîyetê ci est o. Nişka binate ra bena vîne ke no çîyêko normal nîyo. Xora cayo ke cenazaya ci ameye vînayene cayêko dûr o û qemta ci zî tira 20 kîlometre dûrî de ameya dîyene. Nê zî fîkrê cînayetî anê aqil. Dozgerîye sere ra na hedîse sey xokiştişî gena dest û Baroyê Wanî teberê prosesê ATKyî de tepişt. Wargehê wendekaran zî erey xebere daye keyeyê ci. Coka cigêrayîşo raşt nêame kerdene. Bi betalkerdiş Pêkerdişê Îstanbulî qetilkerdiş û şîdetê serê cinîyan zêdîyayî.''