Polîtîkaya şerî ya hukmatî, felaketê erdlerzî, krîzo ekonomîk, jan û marketê pîlî bi hawayêkê zaf xirabî tesîrê esnafan ê qijan kenê. Wan de esnafan ANFyî rê qisey kerd. 

Esnaf Faruk Bîlgîyî pare kerd ke meseleyê înan roje bi roje benê pîlêr. Bîlgîyî vat: ''Jan o coka dikanê ma girewte yê. Ma nêeşkenê kîraya xo bidê. Zafê esnafan ya wesayîtê xo ya zî keyeyî rotî. Kenê ke wina payan ser o bimanê. Çew vengê ma nêeşnaweno. Semedo ke berê sînorî yê Kapikoyî girewte yê rewşa ma xirab a. Ganî cade ber bêro akerdene.''

Esnaf Suat Acarî ard ziwan ke serrêke ra nata ê nêeşkenê bixebitê û vat: ''Dibistanêke de kantînê mi estbi. Aseno do heta êlule dibistanî do nêrê akerdene. Hukmat zî çîyêk nêkeno. Her roje ma deynan kenê. Ganî ma rê kredîya bêfaîze bêra dayene. Ma nêeşkenê supermarketan reyde musabaqe bikerê.''

Vahdete Tekîn zî 20 serrî yo restaurant îdare kena. Vahdete vat: ''Rewşa esnafan hol nîya. 20 personelê mi estê. Ma seba kredî muracat kerd la faîzê kredî zêdêr a. Eke wina dewam bikero ma do dikananê xo biqefilnê.''