Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye.

Eşkerayîye wina ya:

''Artêşa tirke ya îşxalkere rixmê pêro îmkananê xo yê teknîkan vera gerîlayan nêeşkena ser bikewa û derbanê giranan wena. Çalakîyanê gerîlayanê ma de ke bi performê pîlî, ruhê fedayî yê Apogîrî û taktîkanê dewrê neweyî ameyî kerdene, 9 îşxalkerî ameyî cezakerdene, 1 mewzî û 2 kamerayê mobese ameyî îmhakerdene. Artêşa îşxalkere Warê Xoverdayîşî 29 reyî pê çeka kîmyewîye û bombaya nuklere, 8 reyî zî pê helîkopteranê hêrişî, teyarayanê şerî, tank, obus, hawan û çekanê giranan dayî bombayan ver.

Detayê hêrişanê îşxalî û çalakîyanê gerîlayan wina yê:

19ê tebaxe de Warê Xoverdayîşî yê Karkerî de îşxalkerê ke waştêne ver bi mewzîyanê şerî şorê hetê hêzanê ma yê YJA-Starî ra ameyî pirodayene û 4 îşxalkerî na çalakîye de ameyî cezakerdene.

19ê tebaxe de Warê Xoverdayîşî yê Saca de îşxalkerî pê taktîkê suîkastî ameyî pirodayene û 1 îşxalker ame cezakerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

18ê tebaxe de mewzîyanê şerî yê Girê Şehîd Pîrdoganî yê Warê Xoverdayîşî yê Girê Amedîyê de 1 mewzî ame pirodayene û ame îmhakerdene.

18-19ê tebaxe de Warê Xoverdayîşî yê Girê Hekarî de hêzanê YJA-Starî da îşxalkeran ro û 2 îşxalkerî ceza kerdî.

19ê tebaxe de Warê Xoverdayîşî yê Girê Hekarî de 1 kameraya mobese hetê tîmanê hereketînan ê YJA-Starî ra ameye îmhakerdene.

19ê tebaxe de Warê Xoverdayîşî yê Girê Cûdîyî de îşxalkerî hetê tîmanê hereketînan ra ameyî pirodayene û 2 îşxalkerî ameyî cezakerdene.

19ê tebaxe de Warê Xoverdayîşî yê Girê Cûdîyî de 1 sîstemê kameraya mobese ame îmhakerdene.

19ê tebaxe de Warê Xoverdayîşî yê Girê Cûdîyî de îşxalkerî pê taktîkê sabotajî ameyî derbkerdene. Netîceya mudaxeleyê hêzanê ma de îşxalkeran gamêke apey eşte.

19ê tebaxe de Warê Xoverdayîşî yê Girê Cûdîyî de îşxalkerî pê çekanê giranan ameyî derbkerdene.

Hêrişê ke artêşa îşxalkere pê bombaya nuklere û çeka kîmyewîye kerdê;

19ê tebaxe de Warê Xoverdayîşî yê Karker, Girê Cûdî, Girê Amedîyê, Girê FMyî dîyayî bombayan ver. Ame tesbîtkerdene ke rengê gazanê kîmyewîyan çeqer û grî bîyê û boya înan zî vêşaye bîyê.

Hêrişê ke artêşa îşxalkere pê çekanê giranan, obus, hawan, helîkopterê hêrişî û teyarayanê şerî kerdê;

19ê tebaxe de warê Qaşûra yê Metîna, Warê Xoverdayîşî yê Kurojahro, Girê Cûdîyî, Girê Hekarî, Girê Bihar, Sîda, Şikefta Birîndaran; warê Koordîne, Dewa Deşîşê û Serarû yê Metîna dîyayî bombayan ver.''