Gerîlaya HPGyî Dilxwaz Teyîyo ke Zap de tewrê şerî bibi, bi gazê kîmyewî ame qetilkerdene. Gerîla Dilxwazî şehadetê xo ra verî wina qala şerî û hêrişanê kîmyewîyan ê artêşa tirke kerdbî.

''2022 de embazê ma pê gazê kîmyewî û çeka kîmyewîye ameyî şehîdkerdene. Dişmenî xîret kerd ke pê teknîkê xo xoverdayîşê Zapî bişikno la nêeşka. Dişmenî dest pê hêrişanê giranan kerd. Dişmenî bi taybetî Şikefta Birîndaran de kerd ke embazan teng bikero. La xoverdayîşê tîya bêhempa bi. Dişmen bi rojan nêeşka tîya ra cenazayanê xo bigêro. Dişmenî bi rojan gazê kîmyewîyî şuxilnayî, dima zî dest eşt çekanê nukleran. Embazanê ma mîyanê rojêke de 57 leşkerî kiştî labelê dewleta tirke leşkerê xo vêşnayî, bi nê hawayî şarê xo zî nimna. Şikefta Birîndaran de dişmenî seba ke îradeyê embazan teslîm bigêro pêro çekî şuxilnayî.

Warê Girê Cûdîyî yê Şikefta Birîndaran de xeylêk çekê kîmyewî şuxilîyayî. La gazo ke dişmenî şuxilnayo, jenerator û aspîratorê înan embazan parçe parçe kerdî. Hulusî Akarî vato ke înan gazê îsotî şuxilnayo. Ma persenê ke gelo gazê îsotî senî eşkeno jeneratorêkî bivêşno, senî eşkeno aspîratorî bihelno? Mîyanê nê gazan de çekê kîmyewîyî est bîyê. Dewleta tirke seba ke binkewtişê ci eşkera nêbo pêro metodî şuxilnayî. Dişmenî cenazayê co zî îmha kerdî.

Artêşa tirke rixmê nê hêriş û metodanê xo zî verê embazanê ma de bin kewte. Leşkerî seba ke tersayêne bikewê zereyê tunelan kewtî pê. Embazanê ma bi sloganê 'teslîmîyet îxanet o' temsîlîya çêrî û qehremanîye kerde. Embazî bi ruhê Mazlûman û Bêrîtanan heta peynî ver bi serkewtişî şîyî. Embazê ma yê ke bi gazê kîmyewî şehîd bîyê seba ma dejêkê pîlî yê. Ma do alaya înan, çeka înan qetî erdî de meverdê.''