Teyarayanê şerî yê dewleta tirka îşxalkere dewa Gelale ya Şarbajêrê Silêmanî da bombayan ver. Goreyê Rêxistina Komelê Sîvîlî CPTyî sîvîlê bi nameyê Mihemed Resulî dinyaya xo bedilnaye û  û di kesî zî birîndar bîyî.Goreyê zanayîşê ke CPTyî daye şehîd û birîndarî pêro dewa Qamişî ra yê.

Qeymaqemê Mawetî yo ke dewa Gelale pabesteyê ci ya, Kameran Hasanî RojNewsî rê qisey kerd. Hasanî vat: “Dewleta tirke ya îşxalkere pê teyarayanê şerî dewa Gelale ya ke nêzdîye qezaya Şarbajêrî ya Silêmanî de ya da bombayan ver. Sîvîlê ke bombarduman de ameyî hedefgirewtene, semedê çînayîşê vajî şibî koyan ser.’’

Teyarayanê şer eynî herême hîrê rey da bombayan ver. Hukmatê Herêma Kurdîstanî û Bexdadî ra hema eşkerayîye nêameya.