Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

“ 8ê kanûne de Warê Xoverdayîşî yê Şehîd Adilî yê Çemçoyî de îşxalkerî hetê hêzanê ma ra pê çekanê giranan ameyî pirodayene, îşxalkerêk ame cezakerdene. Îşxalkeranê ke waşt ver bi mewzîyanê şerî yê Şehîd Botanî şirê bi taktîkê sabotajî ameyî pirodayene. Warê Girê Ortê yê Metîna de zî îşxalkerî pê çekanê ferdîyan ameyî pirodayene. Çalakîye de di îşxalkerî ameyî cezakerdene. Warê Xoverdayîşî yê Girê Cûdîyî zî hêzanê ma yê YJA Starî pê çekanê giranan da piro. Warê Xoverdayîşî yê Girê Amedîyê îşxalkeranê ke darî birnayêne badê mudaxaleyê hêzanê ma gamêkê peyser ancîyayî.

8ê kanûne de mewzîyê şerî yê Şehîd Botanî yê Warê Xoverdayîşî yê Çemçoyî 20 rey pê çekanê kîmyewîyan dîyayî bombayan ver. Reyna Warê Xoverdayîşî yê Sîda, Çemço, Girê Amediyê,Girê Cûdî û warê Deşta Kafya û erazîya Gundê Şkeftîyanî yê Garê û erazîya Gundê Şêlazê yê Metîna pê teyarayanê şerî, obus, havan, tanq û çekanê giranan dîyayî bombayan ver.”