Qezaya Farqînî ya Amedî de ewro di kesan janê Korona ra dinyaya xo bedilnayene. Hetê bînî ra pêroyê dinya de hûmara kesanê ke pê janê Korona kewtî yew mîlyonî ra ravêrte. Hûmara merdeyan zî bîye 60 hezarî.
Qezaya Farqînî ya Amedî di kesan janê Korona ra dinyaya xo bedilnayene.
Dîya zanayene ke yewe înan cinî yew zî camêrd di kesê ke seba ke adirê înan zêde bî şîyê Nêweşxaneyê Dewlete yê Farqînî testê înan ê Korona pozîtîf vejîyayî. Nêweşê ke dima ra sewqê Nêweşxaneyê Perwerde û Cigêrayîşî yê Gazî Yaşargîlî yê Amedî bîyî ewro her diyan zî dinyaya xo bedilnaye.
Ame vatene ke kesanê ke dinyaya xo bedilnaye înan ra oyo ke camêrdo û 85 serre yo lajê ey de zî vîrus ame tespîtkerdene. Keyeyê cinî (65) zî gerîya binê karantîna.
Hetê bînî ra pêroyê dinya de hûmara kesanê ke pê janê Korona kewtî yew mîlyonî ra ravêrte. Hûmara merdeyan zî bîye 60 hezarî.
