Hêrişê îşxalî yo ke dewleta tirke 14ê nîsana 2022yî de vera Herêmanê Pawitişî yê Medya da destpêkerdene pê heme metodanê xo yê leyminan dewam keno. Fermandaranê HPGyî ra Firat Koçerî ke cepheyê şerî ra qisey kerd vat ê do artêşa îşxalkere Zap de bin bifînê.

Firat Koçerî ard ziwan înan merheleya verêne  kerde temam û merheleya diyîne de do artêşa îşxalkere tarûmar bikerê û vat gerîlayî pê moral û coşî şinê dişmenî ser û qerardarê ke ser bikewê.

Fermandar Firat Koçerî vist vîrî ke Zap semedê kurdan û Têgêrayîşê Azadîye yê Kurdan senî muhîm û vat: ''Zap do semedê dişmenî reyna bibo mezel. Ma ganî hinî bidê înan ro ke ê do reyna meeşkê verê Zapî hêrişê îşxalî bidê destpêkerdene. Hem têgêrayîşê ma hem zî şarê ma de no hêz est o. Gerîlayî pê tunelanê şerî û şuxulnayîşê metodanê şerî yê dewrî îşxalkeran peyser qeldenê. Ma do wezîfeyê xo bîyarê ca. Ma do çekanê hemrayanê xo yê şehîdan erdî de meverdê û têkoşînê înan biresnê serkewtişî. Ma do semedê azadîya Rayber Apoyî û binfînayîşê dewleta tirke têkoşînê xo xurtêr bikerê.''