Alîye Kîye mîyanê keyeyêkê komunalî de dadîya xo ra bîye û qezaya Elbakî ya Wanî de bi kulturê xoverdayîşî bîye pîl. Alîye hema domanîya xo de PKK şinasna û tim waşt ke biba gerîla. Keyeyê Kîye tedaya dewleta tirke ya îşxalkere ra neçare mende ke koçê merkezê Wanî bikera. Aye tîya de zulmê îşxalkeran nêzdî ra dî.

Kîye bi wendişê kitabanê Rayberê Şarê Kurdî Abdullah Ocalanî xo aver berd, PKK hîna zaf şinasna û 2003 de tewrê gerîlayan bîye. A pê kesayetê xo embazanê xo rê bîye çimeyê cuye û koyan de tecrubeyê pîlî vistî destî.

Dîrene Wan îdeolojîya azadîye ya cinîyan de xo aver berd, bîye fermandarêka marîfetîne ya YJA-Starî û milîtanêka xurte ya PAJKî. Dîrene Wan sey nameyê xo cinîyêka xoverdayoxe bîye. Dîrene tewr zaf zî waştêne ke Amed de Rayber Apoyî reyde gerîlatîye bikerê. Dîrene Wan wexto ke bire daye ke biba gerîla armancê xo yo tewr pîl ard ca û verê xo da koyê Amedî. Aye 11 serran sey fermandarêka YJA-Starî koyanê berzan û pîlan ê Amedî de têkoşîn kerd.

11 serran aye Amed de gerîlatîye kerde. Ruh û rindîya Fermandara YJA-Starî Dîrene Wan Amed de nimite yê. A koyanê Amedî de yewda serewedarite bîye. Aye vatêne ''Ez domanêka welatê Kurdîstanî ya.'' Dîrene Amed 2022 de Eyaletê Amedî de şerê vera artêşa tirke ya îşxalkere de şehîd bîye.