Fermandaranê HPG’yî ra Ertan Erol (Ferhat Dêrsim) o ke menga Adar a 2018’î de Dêrsim de şehîd kewt, dimayê otopsi cenazeya ci Tibê Edlî yê Meletî ra ame berdene bi memleketê ci Dêrsimî.

Dewa Akdemîrî ya qezaya Pêrtagî ya Dêrsimî de merasîmek ame viraştene. Merdimê Erolî, hemserekê HDP’yî Ozlem Toprake û Hidir Çîçek, hemserekê DBP’yî  Alî Kûrt û xeylî kesî tewrê merasîmî bîyî. Cemxane de wecîbeyê dînî yê cenaze ameyî caardene û dûayî ameyî wendene. Tabûtê Erolî  bi renganê çeqer, sûr û hewzî ame piştene û fotografê ey ameyî kiriştene. Cenaze bi sloganan goristanê dewe de ameye definkerdene.Tazîyeya Erolî keyeyê ci yê dewe de yena viraştene.