Fermandaranê rayberan ê YJA-Starî ra Şîlane Goyîya ke birîndar bibîye wexto ke şîyêne tedawî hêrişê hewayî de şehîd bîye.

Fermandarîya Qerargehê Merkezî ya YJA-Starî derheqê babete de na eşkerayîye daye:

''Konseptê îmha yê vera têgêrayîş, şar û Rayberîya ma her cayê welatî de pê hêrişanê namerdan dewam keno. La gerîlayê ma vera nê hêrişan rayraşîyayîşê xo yê serfîrazî rê dewam kenê û netîcegirewtiş de qerardar ê. Hêrişê hewayî yê artêşa tirke ya dişmene de fermandaranê rayberan ê YJA-Starî ra embaze Şîlane Goyî 8ê teşrîna verêne ya 2021î de wexto ke semedê tedawîya birîna xo û zîyaretê keye û şarê Mexmûrî şîyêne şehîd bîye.

Nasnameyê embaza ma wina ya:

Nameyê Qodî: Şîlane Goyî

Name û Peyname: Taybete Bîlen

Cayê Bîyayîşî: Dewa Hilalî - Qileban

Maye-Pî: Rahîme – Ahmet

Tarîx û Cayê Bîyayîşî: 8ê Teşrîna Verêne ya 2021î

Sere de şarê ma yê Botan û Mexmûrî rê ma keyeyê ercîyayeyî embaze Şîlane  rê serweşîye wazenê. Ma soz danê ke ma armancê welatê azadî û Rayberîya Azade yê embaze Şîlane bîyarê ca û têkoşînê ci pê serfîrazîye tacîdar bikerê. 

Şarê Botan û keyeyê Bîlenî wa pê embaze Şîlane sereberz bibo. Şarê Botanî bi taybetî Komployê vera Rayberîye ra dima xeylêk ewladê xo pê destanê xo dayî refê gerîlayan. Şarê Botanî û eşîra Goyî tim fedakarîye kerde. Embaze Şîlane şehîdanê Mexmûrî ra ya. Na menge de embazê ma Bêrîtane, Zeynepe, Azîme, Rûkene û Rojînî şehîd bibîy. Embaze Şîlane zî mîyanê nê gulan de cayê xo girewt.

Embaze Şîlane Goyî roja verêne ya tewrbîyayîşê xo ra dima tim pê mîsyonêkî têgêraye. Aye vateyê 'Cinîyê ke mi ra hes kenê wa verê xo bidê Botanî' yê Rayberîye ser o 2003 de verê xo da Botanî. Aye Botan de kedê pîlî dayî, dima zî Xoverdayîşê Kobanê de fermandarîye kerde. Rixmo ke bi giranî birîndar bibî reyna agêraye warê xoverdayîşî. Embaze Şîlane tewr peyêne Fermandarîya Sahaya Garê de wezîfe kerd, Serkewtişê Garê rê fermandarîye kerde û bîye ronayoxanê nê serkewtişî ra yewe. Embaze Şîlane tim wina bawer kerd ke têkoşînê ma do bireso serkewtişî û qeyî ney de teredut nêkerd.

Embaze Şîlane tim xîret kerd ke biwana, bimusa, xo aver bera. Embaze Şîlane tim rojnuşteyê xo de qeydê rojanê têkoşînî girewt. Ge binê darêke de ge zî serê kerrayêke de aye embazê xo seyr kerdî û qelema xo destî ra nêverdaye. A fermandarêka winasêne bîye ke hem qelema xo hem zî çeka xo bi hawayêkê marîfetînî şuxilnayêne. 

Embaze Şîlane raşta raşte bîye şahîdê zulmê vera şarê xo û pê vengê xo yê rindî nê dejan ser o deyîrî vatî. Embaze Şîlane rixmo ke bi giranî birîndare bîye xo nêvist rojdem, ney rê minet nêkerd. Ma zaf kewtî ver ke embaze Şîlane hêrişêkê wina namerdî de şehîd bîya. Embaze Şîlane tim xo îdeolojîya Azadîya Cinîyan de aver berd û hedef kerd ke biba fermandaranê cinîyan ê azadan ra yewe.

Semedo ke ma zerrîya xase, bawermend û hewesîne ya embaze Zîlane şinasnaye, bîyî şahîdê fermandarîya ci û mil bi milî tede têkoşîn kerd ma xo bişansî hîs kenê. Ma soz danê ke do qesasê embaze Şîlane bigêrê.

Naye ra pey armancanê fermandar û şerwananê TJA-Starî ra yew o ke sey embaze Şîlane biciwîyê, tewrê têkoşîbî bibê û embazîya Rayberîye-cinîyan sey aye aver berê.

Ma sey Fermandarîya Qerargehê Merkezî ya YJA-Starî îfade kenê ke do hesabê embaze Şîlane bipersê, heta peynî perwerê vîrameyîşê ci binê. Sere de keyeyê ci yê ercîyayeyî rê ma pêro şarê xo yê welatperwerî rê serweşîye wazenê.''