Fermandaranê HPGyî ra Hogir Petî hêrişê dewlata tirkî yê vera Kurdîstan de û vera hêrişan de têkoşînê gerîlayan ser o ANFyî rê qisey kerd.

Fermandar Petî vist vîr ke 2015î ra nata vera gerîlayan de hêrişêko topyekûn esto û wina va: “Nê hêrişî şexsê Tevgera Azadîye de heme kurdan rê benî. Rixmê teknîkê dişmenî, gerîla hêrişê arteşa tirkî pûç vejeno. Dewleta tirkî tim vana ‘ma gerîla qedêna, ma do biqedenî û sewbîna’ la raştî de gerîla bi hêzbîyayîşî têkoşînê xo ramneno.‘‘

TÊKOŞÎNÊ GERÎLA HETA SERKEWTIŞÎ DO BÊRO RAMITENE

Hogir Petî dewamê qiseykerdişê xo de wina va: “Nika şerêko gird esto. Vera hêrişê dişmenî de çalakîyê ma ramîyenî û do bêrî ramitene. La bitaybetî no dewre de dişmen antî-propaganda keno. Xora no şero gird de şehadetî benî. La vîndîbîyayeyê dewleta tirkî dilab-hîrlabî yê. Ê çend vanê ke gerîla qedîya, ma semedê serkewtişî gamanê hîna girdan erzenî. Derdê ma yê xoîspatkerdişî çin o. Her kes, heme çî hol vîneno. Heta serkewtişî têkoşînê ma do biramîyo. Gerîla ewro ra dima peyser game nêerzeno. Xora ma tîya de bi çimanê xo vînenî ke eskerê tirkî binkewtî, înan vera ma de rewna vînî kerdo.”

GANÎ HEME KURDÎ SEBA YEWÎYA KURDAN BIXEBÎTÎ

Petî qiseykerdişê xo wina qedêna: “Dewleta tirkî bi destê kontrayan wazena şer bikera. Kontrayan erzena xo ya ver. Bê kontrayan operasyonêk nîno viraştene. Ê ke xo ra tiway bizanî, ganî na polîtîkaya lêşine ya dişmenî bivînî, vera ci de bivejyî û seba yewîya kurdan têbigerî. Ma her wextî ra hîna bihêz î. Waştena ma qesasê şehîdanê xo girewtiş û serkewtiş o.”