Fermandarîya Qerargehê Merkezê Pawitişê Şarî (MPŞ) bi mesajêkî şerwan û fermandarê Hemleya Egîdanê Botanî yê Şehîde Diljene-Şehîd Şervan Êrkendîyî fîraz kerdî.

Mesaj wina yo:

''13ê teşrîna verêne de warê Kato Xelîlî yê qezaya Şaxî yê Wanî de vera îşxalkeran çalakîyêka bikoordîne ya serkewte ameye kerdene. Tîmanê hereketînan ê YJA-Starî pê terzê pirodayîşê bazan yewinê dişmenî hîrê baskan ra hedef kerdî, 10 îşxalkerî ceza kerdî û 1 îşxalker birîndar kerd.

Na çalakîya YJA-starî ya serkewte reyna mojna ke gerîlayê azadîye eşkenê pê terzê tîma pispore her ca de netîceyêka qetî bigêrê. Dewleta tirke têna yew kişteyê xo yê na çalakîye eşkera kerd û bi nê hawayî kerd ke pê rayîrê medyaya şerê taybetî raştîyan binimna. Gerîlayan nişka ra û cade derbê tesîrî dayî dişmenî ro û Hemleya Egîdanê Botanî yê Şehîde Diljene-Şehîd Şervan Êrkendîyî xurtêr kerde. Terzê nê çaxî şerê tîma pispore bi raştî û afernayoxî ame caardene. Derba ke dîyaya îşxlkeran ro, reyna propagandayê şerê taybetî pûç kerdê û reyna bi nimûneyê marîfetê serkewteyî yê caardişê taktîkan.

Hêzê ma Vakurê Kurdîstanî de rixmê bi seyan operasyon û hêrişan zî xo pawenê hem zî pê ruhê hêrişî û afernayîşê taktîkan çalakîyanê bitesîran kenê. Hêzê ma bi nê hawayî reyna mojnenê ke terzê tîma pispore ya hereketîne xeta serfîrazîye de şino.

Sere de tîmê YJA-Starî ma pêro fermandar û şerwananê Hemleya Egîdanê Botanî yê Şehîde Diljene Şehîd Şervan Êrkendîyî yê ke bi kede, îrade û bawerîyêka pîle şer kenê, serkewtişanê înan rê fîraz kenê.''