Festîvala Domanan a Mexmûrî qedîyaye

Mexmûr de Festîvala Domanan a 3. pê beşdarîya wendekar û domanan bi şayîyêka taybetîne qedîyaye.

Kampa Multecîyan a Şehîd Rûstem Cûdîyî (Mexmûr) de Festîvala Domanan a 3. pê şîarê 'Azadîye domanîye ra dest pêkena' bi rayraşîyayîşêkî dest pêkerdbî. Festîvale vizêr bi şayîyêka heybetîne Merkezê Kultur û Hunerî yê Mexmûrî (NÇHM) de qedîyaye.

Festîvale serkêşîya Meclîsê Domanan, Kevana Zêrîn û Weqfa Cinîyan de ameye kerdene.

Şayîye pê merşê 'Ey Reqîb' dest pêkerde. Domanan bêmabên sloganê sey 'Biciwîyo Serek Apo', 'Bê serek cuye nêbena' û 'Biciwîyo xoverdayîşê gerîlayan' vatî.

Dima Koordînasyonê Meclîsê Îştare ra Bêrîvane Kaya qisey kerd. Kaya vist vîrî ke domanê Mexmûrî binê hêriş û îşxalî de bi ziwanê xo perwerde vînenê û minetê îşxalkeran nêkenê.

Qiseykerdişî ra dima festîvale pê koma muzîkî ya Kevana Zêrîne, govendan, tîyatroyê TEV-ÇANDî dewam kerde.

Festîvale de wendekaranê Merkezê Hêvî zî kayêkê tîyatroyî pêşkêş kerd.