No rayîrê dîyarîbîyayîşê welatî yo. Tradîsyon û kulturêkê şaranê tewr verênan o. No rayîrêkê heskerdişî yo ke êyê ke xîretê resayîşê xo kenê tira şinê. Nê rayîrde kewtiş zî heta peynî şîyayîş zî esto. Eşqê cuya hêz dano na raywanîya bimana û raywanan paweno.

Nê wird gerîlayî di ruhê rind ê ke dewlete nêeşkayî bifîno dest. Ê embazê kayî, embazê manadayîşî, embazê çalakîye yê.  Embazîya ke semedê yewabînan ganê xo danê. Na embazîye senî yena raameyene, senî yena afernayene? Nê wird gerîlayî senî pîya ciwîyenê? Nê koyanê  ke her roje mergî rê wina nizdî yê, mana senî manenê? Şima zanê nê wird gerîlayî ewnîyenê çinayî ra?

Elemanê artêşa îşxalî ke semedê îşxalkedişê herra înan ameyî, ewnîyenê remayîşê înan ra. Êyê ke hêz û bedenê xo semedê pereyî roşenê û hela ke mirênî zî çew wayîrê înan nêvejîyeno, ewnîyenî înan ra.

Nê wird gerîlayê ciwanî helêke cuwa ver çalakîyêke de yewbînan rê bîyê rayîrê pirodayîşê îşxalkerî. Ê têna bi hezaran gerîlayan ra didi yê. No fotografê tebesumê serkewtişê çalakîyêka Cengê Heftanîn o. No fotografê şarê kurdî û gerîlayê azadîye yo ke bi pirodayîşê dişmenî ser keweno.