Merkezê Îrtîbatî û Çapemenîye yê HPGyî derheqê hêrişanê artêşa tirke ya îşxalkere de eşkerayîyêke daye. Eşkerayîye wina ya:

‘’Dima ke partîya ma PKKyî û Fermandarîya MPŞyî 1ê adara 2025î de bi eşkerayîyêke adirbirnayîş îlan kerdibi hêzanê ma pozîsyonê adirbirnayîşî girewt. La rixmê ney zî hêrişê artêşa tirke ya îşxalkere hewa û erdî ra dewam kenê.

Detayê hêrişanê artêşa îşxalkere û mudaxeleyê pawitişê meşruyî yê hêzanê ma wina yê:

Herêma Şehîd Delîlî ya Rojawanê Zapî

26ê sibate de Warê Xoverdayîşî yê Girê Cûdîyî de îşxalkeran rê mudaxele ame kerdene.

27ê sibate de Warê Xoverdayîşî yê Girê Cûdîyî de îşxalkeran rê hetê hêzanê ma yê YJA-Starî ra mudaxele ame kerdene.

1ê adare de Warê Xoverdayîşî yê Girê Amedîyê de îşxalkeran rê mudaxele ame kerdene û 1 îşxalker ame cezakerdene.

Herêma Garê

26ê sibate de herêma Dînartê de netîceya hêrişanê dişmenî de embazê ma Delîl şehîd bi. Ma do dima nasnameyê embazê xo Delîlî eşkera bikerê.

Hêrişê artêşa îşxalkere

1ê adare de tunelê Warê Xoverdayîşî yê Girê Cûdîyî yê Herêma Şehîd Delîlî 4 reyî, tunelê Warê Xoverdayîşî yê Girê Amedîyê mabênê 1-3yê adare de 3 reyî bi dronanê teqaberan dîyayî bombayan ver.

1, 2 û 3yê adare de warê Spîndarê, Girê Mesken, Dêreşê û Deşta Kafya yê Garê; warê Berê Zînê, Lolan, Kendekola yê Xakurkê; warê Serê Metîna, Şêlazê, Bêşîlî û Warê Xoverdayîşî yê Serê Metîna yê Metîna û Warê Xoverdayîşî yê Girê Cûdî û Girê Amedîyê yê Zapî dîyayî bombayan ver.’’