Endama Koordînasyonê KJARî Ciwana Sine ANFyî rê destbednkerdişê peyênî yê Rojhelatê Kurdîstanî û Hemleya 'Vera îdam û qirkerdişê cinîyan wext wextê pawitişê cuya azad o' ercnayî.

Qiseykerdişê Ciwana Sine ra beşêk wina yo:

''Rejîmê Îranî pê destbendkerdişanê peyênan ê Rojhelatê Mîyanênî wazeno vengê îtîrazan qut bikero. Ganî şarê ma vera naye bêveng nêmano û nêrazîbîyayîşê xo bimojno. Rejîmê Îranî destbendkerdeyan verî ke bêrê hukmkerdene tepişeno. Kerdişê Îranî metodê terorê dewlete yê. Ganî ciwan, cinî, sîyasetmedar û pêro şar vera nê kerdişan vejîyê kuçe û meydanan. 

Ganî kuçeyê Rojhelatê Mîyanênî reyna sey serewedaritişê 3ê reşemeyî rayberîya cinîyan de seba azadîya Rayberîye pirr bibê. Ganî ciwan û cinîyî têkoşînê vera tecrîdî geş bikerê. Rayber Apo hînî pêro dinya de sey Rayber qebul beno. Wezîfeyo tarîxî yo ke seba azadîya Rayberê Şarê Kurdî Abdullah Ocalanî ma do bi hawayêkê serewedaritişê 3ê reşemeyî têkoşîn bikerê. Rayberê ma 22 serrî yo binê tecrîdî de yo. KJAR esasê azadîya Rayber Apoyî ser o têkoşînê xo do berz bikero.

Ganî cinîyî verê sîyasetê faşîstî yê Îranî bigerê. Ganî pêro azadîwaştoxê Rojhelatê Kurdîstanî û Îranî ver rejîmê Îranî nêrazîbîyayîşê xo bimojnê û tewrê hemleya ma bibê''