Gerîlayanê HPGyî û YJA-Starî derheqê 8ê Adare Roja Cinîyan ê Kedkaran a Dinya de qisey kerd û pare kerd ke cinîyî ganî bi xopawitişî bi destê xo cuye awan bikerê.

Gerîlayanê HPGyî û YJA Starî bi wesîleya 8ê Adare Roja Cinîyan ê Kedkaran a Dinya ANFyî reyde qisey kerd.

Gerîlaya YJA-Starî Dorşîne Şervan vat: ''Cinîyî ganî vera kpîtalîzmî tewrê xoverdayîşî bibê. Ganî her cayê cuye de kede û vengê cinîyan estbê. Cinîyî eşkenê estbîyayîş û xoverdayîşê xo her ca de bidê qebulkerdene.''

Gerîlayanê HPGyî ra Sîyabend Koçerî vat: ''Azadîya cinîyan bi azadîya camêrdan bena.Ma sey şerwananê azadîye keda cinîyan û erjanê komelî û şaran vînenê û xoverdayîşê xo koyanê Kurdîstanî de dewam kenê. Ma wazenê bibê teqîbkerdoxê Sarayan, Zîlanan, Fîdanan.''

Gerîlaya YJA Stare Destîra Zagros vat: ''Mîyanê PKKyî de xoverdayîşê cinîyan wayîrê cayêkê girîngî yo. Camêrdêko azad bi cinîyêke azad beno. Şerwanê azadîya ganî hemcuya azade xo rê bikerê wezîfe.''

Gerîlayê HPGyî Fedakar Ridvanî vat: ''Têkoşîn û xoverdayîşê cinîyan seba armancanê pîlan yeno kerdene. Cinîyê kurdî bi têkoşînê xo seba cinîyanê dinya bîyî çimeyêk. Cinîyanê kurdan zaf vurnayîşê pîlî kerdî. Kulturê xoverdayîşî ganî her roje bibo, kedkarî, bindestî, şar û cinîyî ganî bi xoverdayîşî pîya kulturêkê xoverdayîşî yê mîyanneteweyî awan bikerê.''