Gerîlayanê HPG û YJA Starî sirpilikê koyanê Garê de Newroze bi şayîyêka  biheybete pîroz kerd.

Gerîlayan dormeyê adiro ka fîna ta de govenda azadîye girewte û fîşekê hewayî teqnayî. Xeylêk gerîlayî tewrê şayîya Newroze bîyî.

Gerîla Şîlane ard ziwan ke Newroza serra hîrên a ke a koyan de pîroz kena û vat: ''No hîsê ko zaf rind o. Nê koyan de çew/e hîs keno ke azad o''.

Guzî Gulîstane zî ard ziwan ke ganî adrirê Newroze her serre dahîna gir bo.

Botan Germîyan zî vat: ''Ez di serrî yo koyan de Newroze pîroz kena, no hîsêko zaf pîl o. Ewro çar leteyanê Kurdîstanî gerîlayî tewrê na şayî bîyî. Semedê şiknayîşê tecrîdê serê Rayber Apoyî ganî têkoşîn xurtêk bikerê.''

Gerîlayêka/ê bîne/î zî vist vîrî ke Newroze semedê şarê kurdî sembolêko pîl o  û vat: ''Ê tim vanê gerîlayî nêeşkenê cayê xo ra vejîyê la şima şayîya ma vînenî''