Tarîx 21ê Adare ya 2021.Wext saetê şewe, ma qeydê qiseykerdişê gerîlayanê ke koyê biheybetî yê Kurdîstanî xo rê kerdî mesken, genê.

Qiseykerdişê gerîlayan ê bêtelî de coşê Newroze esto. Gerîlayê ke bi qiseykerdişê bêtelî Newroza embazanê xo bimbarek kenê kurdkî û erebkî slogananê sey ''Biciwîyo Serek Apo'' û ''Biciwîyo Nerwoze'' erzenê. Pîya bi coşê Newroze vengê guleyanê  ke erzîyenê hewa û fîşeganê hewayî yeno. No coş û sloganê gerîlayanê têna yew-di qilan ra yenê. Eke çew/e bi hezaran qilan ê ke gerîlayî tede ameyî cakerdene bifîkîrîyo o wext coşê Newroze dahîna rind yeno fehmkerdene.