''No cigêrayîş seba her gerîla manadar o. Ez prosesê komployî de dadîya xo ra bîya. Ewro têkoşînê mi û xeyalê mi azadîya Rayberîye ma yê. Cigêrayîşê min ê azadîye şaristanê Şamî de û ver bi koyanê Kurdîstanî de dest pêkerd.''

Gerîlayê HPGyî Dijwar Çîya çar serrî  yo ke koyanê Kurdîstanî de û Herêmanê Pawitişî yê Medya de wezîfeyê xo ser o. Çîya serra 1998î de Şam de dadîya xo ra bi. Rayber Apo 9ê teşrîna verêna 1998î de Sûrîye ra ame vetene. Bi seyan ciwanê kurdî vera komloyê mîyanneteweyî tewrê PKKyî bîyî. Çîya zî nê ciwanan ra yew o.

Dijwar Çîya qala hîkayeyê xo wina keno:

"Bira beşdarbîyayîşî bi cigêrayîşê mi bîye. Ganî her ciwanê kurdan bira xo bi xo bido. O çax xebatanê Rayberî yê Sûrîye tesîrê mi kerd. Bi nê hawayî cigêrayîşê mi dewam kerd. Hêzêko îqtîdarî azadîya kurdan nêwazeno.  Eke komelê ro bêro çinkerdene, nasnameyê to bêro înkarkerdene metodê têkoşînî zî benê cîya. Rayberê ma 21 serr ê ke zîndan de yo, xoverdayîşêko bêmabên dewam keno. Ez zî sey her ciwanê kurdî xo seva şerî amade kena. Hêrişê vera Rojawanî bi armancê çinkerdişê şarê ma ameyî kerdene.  Dewleta tirke her ca de îşxalê xo dewam kena. Ez bawer a ke bira mi û ryawanîya min a ver bi Kurdîstanî do manadar bibê.

Bîyayîşê mi ra nata komployê vera Rayberê ma dewam keno. La xoverdayîşê gerîlayan zî dewam keno. Gerîlayî eşkenê komelê kurdan rê rayberîye bikê. Embazê ma pêro seba na serre xo amade kenê.  Do xîret bikê ke plananê qirkerdişan çin bikê. Eke ma têkoşînê xo her ca de xurt bikê, meşrûtîya ma ya koyan do bi netîce biba. Komployê vera Rayberîye û merdimîye do teqez bêro pûçkerdene."