Gerîlayê HPGyî Derwêş Çîyayî derheqê grevê vêşanîye yê tepişteyan ê PKK û PAJKî yo ke kewt menga hîrêne de ANFyî rê qisey kerd.

Çîyayî bale ante xoverdayîşê tarîxî yê Rayberê Şarê Kurdî Abdllah Ocalanî yê vera tecrîdê xorî û zextê psîkolojîkî yê şerê taybetî ser û vat: ''Tecrîd çend beno xorî, Rayberîye û şarê kurdî zî bihêz benê. Nê hetî ra wa qet çew meqerqilîyo. Tepişteyê ke zîndanan de yê bêçare nîyê. Ê tradîsyonê têkoşînî yê PKKyî ra yenê, vervejîyayîşê bianorî hole zanê. No çîyê ko rehet û qij nîyo. Ganî her kes nayî ser vindero. Ganî her kurd xora biperso vajo 'nê şertan de ê qey kewtî grevê vêşanîye'. Veravejîyayîşê tecrîdî yo ke sucê merdimîyey yo, kurdî ra wetêr wezîfeyê merdimîye yo. Ganî her kes hurmet ramojno û wayîrê ci vejîyo. Ma heme berpirsîyar ê. Heta ke tecrîdê serê Rayberîye nêro şiktene ne zextê serê şarî kêm beno ne zî faşmîz kêm beno. Ganî her kes berpirsîyarîya xo bîyaro ca ke tedcîr bêro wedaritene û tepişteyî zêrarêk nêvînê.''