Nûda gerîlayêka 22 serre ya û Hezexî ra ya. Nûda pê perwerîya seba welatî û şarê xo bena pîl. Domanîya xo de bire dana ke apkênaya xo Yerîvane reyde tewra gerîlayan biba. Serra 2013î de pîya tewrê gerîlayan benê. Wextê perwerdeyî de û dima cuya gerîlatîye vila kenê û girê dîyenê yewbînan. 

Serra 2016î de hêrişêkê hewayî yê dewleta tirke de Yerîvane şehîd bena. Nûda derheqê ci de vana: ''Wexto ke ma tewrê partîye bîyî ma soz dabi yewbînan ke se beno wa bibo ma do îxanetî rê rayîr nêdê. Ez do têkoşînê aye pê perwerîyêka pîle bida dewamkerdene. Ez do pê vîrameyîşê aye biciwîya û xeyalê aye bîyara ca.''

Nûda nika hetê YRKyî de koyanê Rojhelatî de ya û wina vana: ''Ez sey cinîyêka vakûrê kurdîstanije ameya koyanê Rojhelatê Kurdîstanî de vera teda û zorbazîya Îranî têkoşîn bikera. Ma tim televîzyon de seyr kerdêne; cinî, doman, ciwan û kokimî ameyî dardekerdene. Ez nêeşkîya vera nînan bêveng bimana. Ez wazena wezîfeyê xo tîya de bîyara ca. Beno ke dişmenan Kurdîstan kerd parçe la zerrîya ma de Kurdîstan yew o.Wezîfeyê ma yo verên o ke ma Kurdîstan bipawê. Ez wazena qesasê şarê xo bigêra.

Ez venga ciwananê Rojhelatê Kurdîstanî kena ke herinda ke yenê tepiştene, qetilkerene wa verê xo bidê koyan. Bi nê hawayî şima eşkenê vera rejîmî têkoşîn bikerê.''