Gerîla TV dîmenê çalakîya Geverî weşana ke netîceya ci de 3 leşkerê tirkî ameybî kiştene. Merkezê Îrtîbatî û Çapemenîye yê HPGyî derheqê babete de na eşkerayîye dayebî:

''Çarçewa Hemleya Şorişgêre ya Şehîd Bager û Şehîde Ronya de hêzanê ma 23ê nîsane saete 09:00 de qezaya Geverî ya Colemêrgî de vera artêşa TCyî ya îşxalkere ke Girê Şehîd Dermanî de ca bibî çalakîyêke kerde. Hêzanê ma da kozikanê dişmenan ro û kozikanê dişmenan de 3 leşkerî kiştî û dest na çekêka otomotîke ya BKCyî, 1 MPT-76 û Dragunov û dûrbînê ser. Yewina ma ya na çalakîye pê silametîye agêraye baregehanê xo.''