Gerîlat TVyî dîmenê çalakîya Zapî ya ke 4 îşxalkerî ameybî cezakerdene weşanayî.

Merkezê Îrtîbatî û Çapemenîye yê HPGyî derheqê çalakîye de wina vatbi: " 29ê  gulane de grûbêka leşkeranê bayeberzan waşt bikewo warê Şehîd Berxwedanî yê Warê Xoverdayîşî yê Şehîd Şahînî. Nê îşxalkerî hetê hêzanê ma ra bi taktîkê sabotajî ameyî pirodayene. Teqayîş de 2 îşxalkerî kaşî ra ginayî war û 2 îşxalkerî pê çekanê ferdîyan ameyî pirodayene. Çalakîye de 4 îşxalkerî ameyî cezakerdene û çeke û malzemeyê înan o leşkerî ame îmhakerdene. 2 cenazayê îşxalkeran binê kontrolê hêzanê ma de yê. Saetanê şanî de îşxalkerî reyna ameyî pirodayene û verê înan ame girewtene."