Gerîla TVyî dîmenê di çalakîyanê YJA Starî yê ke Heftanin de ameyî viraştene weşanayî. Merkezê Îrtîbat û Çapemenîye yê HPG’yî derheqê çalakîyan de wina vatbi:

''Çarçeweya Hemleya Şorişgêre ya Cengê Heftanînî de ya ke Herêmanê Pawitişî yê Medya ra Heftanînî de yena domnayene, 13ê kanûne de çalakîyêk ameye viraştene. Hezanê ma yê YJA Starî Qilê Konferansê Pîlî de da îşxalkeran ro. Mewzî û stargehanê dişmenî ser o adir ame varnayene. Netîceyê çalakîye de tewr tay 8  leşkerê tirkî ameyî kiştene 2 zî birîndar bîyî.

20 teşrîna verêne de hêzanê ma yê YJA Starî Qilebanê Şirnexî de da îşxalkaran ro. Çalakîya ke vera leşker kontroyanê ke mabenê herêma Qilê Vacîp, Gelîya Pîsaxa, û Qilê Konferansî de ameyî cakerdene ameye viraştene de wesayîtêk ame îmhakerdene la hûmara kişte û birîndaran safî nêbe. Dimayê çalakîye kobra ke seba mudaxaleyî ame herême hetê hêzanê ma ra ame derbkerdene.''