Ge-gane zî ma rê wina aseno ke seke ma ver bi ê cayî şinê ke veng ci ra yeno. Gerîlayo ke kîşta ma de yo û marê rayberîye keno, bi halê xo yê seke vajo, “ez zî pê nêzana.” Dimayê bi 10 deqayan ma fam kenê ke ma ver bi vengê jenaratorêkî şinê. Rayberê ma yo bêtawîz vano, “no cayê deştişî yo.”

Mucadeleyo demderg ê gerîlayanê azadîya Kurdistanî her ke şino coxrafyayanê bînan de vila beno. Gama ke merdim faktoranê ke mucadeleyo demderg awan kerdo ser o tepîtan bikero vîneno ke lazimî bi xebatanê profesyonelan esta, la pîya bi bawerîye, hemrayî û hemverê kolonyalîzmo ke hewna zî dewam keno de mucadelekerdiş yanî profesyonelî faktoranê serekeyan ra ya.

Şima Gerîlayan Nêvînenê La Gerîlayî Şima Vînenê

Êyê ke seba sporî kogêrayoxîye vîjnenê gama ke çenteyê xo erzenê milê xo ser, xusûsen çîyêkê fosforinî kenê pira. Kogêrayoxîye wina ya; Homa mekero nîmeyê şewêk de gama ke merdim vînî bibo, no perçeyê fosforî yo qijkek beno ke kogêrayoxî bifeletno. La seba gerîlayê Kurdistanî no perçeyo qijkek ê fosforî ‘goşnêdayîşê ewleyîye’ yo, çunke ganî gerîla ‘nêro dîyene.’ Şima ro înan bigêrê şima înan nêvînenê, la gama ke înan waşt şima bivînê ê ca de eşkenê xo ramojnê şima.

Tena Kamûflaj La yê Her Çîyî

Ma bêrê serê çente, çek û qabê awe ser. Cayê deştişî yo ke ma kewenê ci şertê ci sey şertanê cayê deştişî yê aleladeyan ê. Dimayo ke êyê zereyî bi zerrgermî silamêk danê, ma înan ra persenê tirem ê se kenê, ê nê ra vanê, “kamuflaj.” Eya, tena kamûflajan virazenê û çi çîyo ke yeno vîrê merdimî; saetê destan, çenteyê gerîlayan o ke heta weş ê serê milê înan de yo, çek, şarjor û bombayî. Şuxlêko zêde esto. Seba ke ma hîna zaf înan karê înan ra megîrê, dimayo ke ma çaya xo şimenê ma înan ra vanê, “qewet bo” û ma vanê ke ma wazenê şirê.

Ewnênê ser û berê m ara, porê ma ra û seke wazenê ke vajê “ganî ma nînan kamûf bikerê” ma vanê “çîyêk nêbeno.” Vanê “beno, beno” û qirkerdişê artêşa Tirkî yê Behdînan û dewanê ci bi vîr anê. Ê heqdar ê. Dewleta Tirkî ya huqûqê şerî nas nêkena, bi hêrişanê barbaran bi seyan domanî qetil kerdê û teberê gerîlayan de çew hesab nêperseno, ganî kes heq bido gerîlayanê cayê deştişî.