Roşanê Gonîbîyayîşî yê 15'ê Tebaxe serrgêra ci ya 35'ine de koyanê Kurdistanî de bicoş ame pîrozkerdene.

Şayîya ke Wareyê Pawitişî yê Medya de ame viraştene endama Komîteya Rayberdişî ya PKK'yî  Xalîde Engîzeke, endamê Komîteya Merkezê PKK'yî Engîn Kasim, Hemrîn Dêrsime, Cemal Şerîk û Ronî Baz, endamê Komîteya Perwerdeyî ya PKK'yî Orhan Kendal, endamê Komîteya Şehîdan  Zîlan Tolhildane, Orhan Lotûs û fermandaranê HPG'yî ra Çeknas Kars tewrê ci bîyî.

Şayî bi rêzgiretişî destpêkerde û bado zî endamê Komîteya Merkezê PKK'yî Cemal Şerîkî xîtabê gerîlayanê Têgêrayîşê Azadîye yê Kurdî kerd. Şerîkî Hemleya 15 Tebaxe vera faşîzmê 12'ê Êlule sey derbeyê girdî û Roşanê Ganîbîyayîşî name kerd  û sere de xoverdayoxê Xakurkê yê ke vera hêrişê îşxalî yê dewleta Tirkî destan nusenê heme gerîlayî silam û pîroz kerdî.

qiseykerdişan ra dima aktîvîteya moralî dest pêkerde. Konserê Grûba muzîkî ya Awaze Çîya ya ke hunerê  xo Wareyê Pawitişî yê Medya de îcra kena,  eleqadarîya girde dîye. aktîvîte de endamê Komîteya Merkezê PKK'yî Kasim Engînî zî metnê vengdayîşê ciwanîya Kurdî yê Dr. Nûrî Dêrsimî wend. Aktîvîteya ke bi moral, motîvasyon û coşê berzî ameye viraştene peynîya ci de bi seyan gerîlayanê HPG û YJA Starî goveng girewt. Govend bi saetan dewam kerd.