Herêmanê Pawitişî yê Medya de gerîlayan bi merasîmêkî serrgêra 40ine ya Hemleya 15ê Tebaxe fîraz kerde.

Merasîm de fermandaranê HPGyî ra Baran Araratî qisey kerd û şexsê Fermandar Egîdî (Mahsum Korkmaz) de pêro şehîdî yad kerdî. Araratî 15ê Tebaxe Rayberê Şarê Kurdî Abdullah Ocalanî, şarê kurdî û pêro gerîlayan rê fîraz kerd.

Araratî vist vîrî ke Hemleya 15ê Tebaxe 40 serrî xo pey de verdayê û vat: ''Manaya na hemle ya esase na ya ke guleyo verên erzîya mezgê koledarî û kolonyalîstan, xayînan û hemkaranê dişmenî. Na hemle teyna hemleyêka leşkerî nêbîye; felsefe, cesaret û hêzê fikrî yê kurdan bîye.''

Araratî bale ante hêrişanê ewroyînan ser û vat: ''Ewro Herêmanê Pawitişî yê Medya de û her ca de vera îşxalî şerêko bêemsal yeno kerdene. Senî ke ma bi ruhê 15ê Tebaxe heta ewroyî dişmen bin vistbi naye ra pey zî do cewabê îşxalkeran bidê.''

Merasîm bi govendanê gerîlayan qedîya.