Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişanê hewayî de zanayîş da.

Eşkerîye de ca dîya nînan: ''Çarçeweya Hemleya Şorişgêre ya  Şehîd Bager û Şehîde Ronya de çalakîyê hêzanê ma yê vera îşxalkaran dewam kenê.  Goreyê naye;

Çelê: 7’ê Gulane de saetanê nîmrojî de hêzanê ma Çelê ya Colemêrgî de çalakîyêk viraşte. Qilê Koordîne de îşxalkarî ameyî pirodayene la derheqê merde û birîndaranê dişmenî de zanayîş nêame girewtene.

Şemzînan: 8’ê Gulane de de heman saetan de qezaya Şemzînanî ya Colemêrgî de vera Qilê  Sivrî yê asayîşê Qereqolê Bezelê  çalakîyêk ameye viraştene. Mewzî û stargehê dişmenî di hetan ra bitesîr ameyî pirodayene. Hûmara merde û birîndar eskeran nêameye tesbîtkerdene. Çalakîye ra dime  îşxalkaran herêma Qilê Sorî bi teyeranê şerî bombardûman kerde. Netîceyê hêrişî de vîndîbîyayeyê ma çîn ê.

Sîdekan: Heman roje de cemê şanî Qilê Lêlîkanî yê Sîdekanê Başûrê Kurdîstanî de çalakîyêk ameye viraştene.  Mewzî û stargehanê dişmenî ser o adir ame varnayene. Hûmara merde û birîndaranê dişmenî zelal nêbî. Dimayê çalakîye îşxalkaran Qilê Lelîkan û Şehîd Şervanî bombardûman kerd. Bombardûman de zirarêk nêresa ma.

Teyareyanê şerî yê artêşa Tirkî  Wareyê Pawitişî yê Medya bombardûman kerdî. Goreyê nayê 8’ê Gulane de herêma Şehîde Delela yê Heftanînî, herêma Bergarê ya Gare û 9’ê Gulane de zî herêma Bergarê ya Gare, herêmê Mam Reşo û Şehîde Dîrene  yê Avaşînî, û herêma Karkerî yê Zapî ameyî bobardûmankerdene. Hêrişan de zirarêk nêresa ma.‘‘