Merkezê Çapamenî û Îrtîbatî yê HPG’yî eşkerayîyêka nuştekîye daye û derheqê çalakîyanê gerîlayanê HPG û YJA Starî de nê pare kerdî:

‘’Çarçeweya Hemleya Şorişgêre ya Şehîd Bager û Şehîdê Ronya  de hêzanê ma 11’ê Tebaxe de qezaya Çelê ya Colanêrgî de çalakîyêk viraşte. Çalakîya ke vera leşkeranê ke Qilê Koordîne de ameyî cakerdene ameye viraştene de hûmara merde û birîndaran ê leşkeran nêameye tesbîtkerdene. 10’ê Tebaxe de hêzanê ma yê YJA Satarî  reyna Çelê de çalakîyêk viraşte. Çalakîya suîqestî ya ke vera leşkeranê ke Qilê Stûna de ameyî cakerdene de ameye viraştene de hûmara merde û birîndaran ê leşkeran nêameye tesbîtkerdene.

Teyareyanê şerî yê artêşa Tirkî 9’ê Tebaxe de Gare de dormeyê dewa Yekmalê  û Heftanîn de herêma Xanturî bombardûman kerdî. Reyna 10’ê Tebaxe de zî herêmê  Kunişka, Saca û Ciloyo Qijî yê Zapî ameyî bombardûmankerdene.