Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişê hewayî yê dewleta Tirkî de zanayîş da.

Eşekerayî de nê ameyî parekerdene:

‘‘Çarçeweya Hemleya Şorişgêre ya Şehîd Bager û Şehîd Ronya de hêzanê ma 29’ê Adare de qezaya Çelê ya Colemêrgî de vera artêşa Tirkî çalakî viraşte. Veraşan Qilê Xeregolî de mewzî û stargehê dişmenî ameyî pirodayene, la hûmara merde û birîndaran ê dişmenî nêameye tesbîtkerdene. Îşxalkaran çalakî ra dima bi teyareyanê şerî dormeyê dewanê Bêxêr û Êle bombarduman kerdî. Netîceyê bombardumanan de vîndîbîyayeyê ma çîn ê.

29’ê Adare de saetanê nîmrojî de teyareyanê şerî yê artêşa Tirkî herra Başûrê Kurdistanî de Lêlîkan, Ermûş û Dola Çilî yê pabesteyê Sîdekanî  û herêmê Çarî bombarduman kerdî.

30’ê Adare (ewro) saetanê serê sibayî de teyareyanê şerî yê Tirkî Wareyê Pawitişî yê Medya ra herêma Qendîlî de Kalatuka, Silê, Bêpalan,  dewê Balayanî û Qilê Hîva û Avaşîn de Qilê Kartalî bombarduman kerdî. Netîceyê bombardumanan de vîndîbîyayeyê ma çîn ê.''