Gerîlayan Çelê û Xakurkê de da îşxalkaran ro
HPG’yî da zanayene ke gerîlayan Xakurkê û Çelê de vera artêşa Tirkî çalakîyî viraştî.
HPG’yî da zanayene ke gerîlayan Xakurkê û Çelê de vera artêşa Tirkî çalakîyî viraştî.
Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan de zanayîş da.
Eşkerayîye de ca dîya nînan: ‘’ Çarçeweya Hemleya Şorişgêre ya Şehîd Bager û Şehîd Ronya de hêzanê ma xeylî çalakîyî viraştî, na çerçewe de:
8’êTebaxe de hêzanê ma qezaya Çelê ya Colemêrgî de çalakîyêk viraşte. Çalakîya ke Qile Xereqolî de ameye viraştene de hûmara merde û birîndaranê dişmenî nêameye zelalkerdene. Heman roje de Qilê Şehîd Derwêşî yê Xakurkê ya Wareyê Pawitişî yê Medya de vera yewîya operasyonî çalakîyêk ameye viraştene la peynîya çalakîye safî nêbe.
Gever de 2 Gerîlayî Şehîd Bîyî
Ma verî zî dabi zanayene ke artêşa Tirkî ya îşxalkare 28’ê Temmuze de qezaya Geverî ya Colemêrgî de derûdorê dewa Dêzê de operasyon dayo destpêkerdene. Nê operasyonî de embazê ma Brûsk û Karker ê ke heta guleyê xo yê peyênî şer kerd şehîd bîyî. Ma sere de keyeyanê embazanê ma yê ke Gever de şehîd bîyî heme şarê ma yê welatperwerî rê serweşîyê wazenê û ma soz danê heta ma waştişanê şehîdanê xo bica bîyarê ma do mucadeleyê xo bidomnê.
Nasnameyê gerîlayanê ke şehîd bîyî wina yê:
Nameyê Qodî: Brûsk Serhat Name Peyname: Omer Davût Orak Cayê Bîyayîşî: Mûş Maye - Pî: Mevlude – Mehmet Safî Tarîx û Cayê Şehadetî: 28'ê Temmuze 2019 / Gever |
Nameyê Qodî: Karker Botan Name Peyname: Welat Çetîn Cayê Bîyayîşî: Amed Maye - Pî: Rabîa – Halîl Tarîx û Cayê Şehadetî: 28'ê Temmuze 2019 / Gever |
6’ê Tebaxe de teyareyanê şerî yê Tirkî hêramê Koyê Cûdî yê Şirnexî de wereyê Hesena bombardûman kerde. Derheqê nê hêrişî de zanayîşê ke bikewe ma dest ma do rayapêrîye dir pare bikerê.''