Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan û hêrişanê artêşa Tirkî de zanayîş da.

HPG’yî da pêhesnayene ke çarçeweya Hemleya Şorişgêre ya Şehîd Bager û Şehîd Ronya de 12’ê Tebaxe de vera artêşa Tirkî çalakîyî ameyî viraştene û detayê ci pare kerdî: ‘’Qezaya Çelê ya Colemêrgî de vera wesayîtêko ver bi Qereqolê Şikêrî şiyêne çalakîya sabotajî ameyî viraştene. çalakîya ke wesayît derbe girewt hûmara merde û birîndaran zelal nêbîye.Herêma Xakurkê ya Wareyê Pawitişî yê Medya de zî vera leşkeranê ke Qilê Şekîfî de ameyîbî cakerdene çalakîya suîqestî ameye viraştene. Çalakîye de leşkerêk ame kiştene leşkerêk zî birîndar bi.’’

Eşkerayîye de ame vatene ke; 11’ê Tebaxe de artêşa Tirkî mintiqaya Kirê Korî yê Çerçela ya qezaya Geverî ya Colemêrgî de dest bi operasyonêk kerd. Çarçeweya operasyonî mabênê gerîlayan û îşxalkaran de pêkewtişî vejîyayî. Derheqê operasyonî de do zanayîşê ke bikewê dest bêrê parekerdene. HPG’yî da zanayene ke 9’ê Tebaxe de wareyê Masiro yê qezaya Êlke ya Şirnexî operasyonêk ame destpêkerdene û roja bîne destveng peyser ancîya. Eşkerayîye de ame vatene ke teyareyanê şerî yê artêşa Tirkî 11’ê Tebaxe de  dormeyê dewa Şikeftanî ya pabesteya Gare bombardûman kerd. Bombardûman de vînîbîyayeyê înan çîn ê.