Merkezê Çapemenî û Îrtîbatî yê HPG’yî derheqê çalakîyanê gerîlayan ê Avaşîn, Çelê û Şirnexî û hêrişê artêşa Tirkî de eşkerayîyêk daye.

Avaşîn de 2 Leşkerî Ameyî Kiştene

HPG’yî derheqê çalakîya Avaşînî de nê pare kerdî: ‘’12’ê Hezîrane de hêzanê ma herêma Wareyê Pawitişî yê Medya ra Avaşînî de vera îşxalkaran  çalakîyêk viraşte. Çalakîya Qilê Xwedê de leşkerêk ame kiştene. Hêzanê ma roja bînî heman  ca de îşxalkarî reyna hedef girewtî. Pirodayîşo bitesîr de leşkerêk ame kiştene.’’

Çelê de Îşxalkarî Ameyî Pirodayene

Eşkerayîye de derheqê çalakîya Çelê de zî ca dîya nînan: ‘’14’ê Hezîrane de hêzanê ma Qilê Şehîd Bagerî yê  Çelê ya Colemêrgî de vera îşxalkaran çalakîyêk viraşte. Çalakîya ke mewzî û stargehê dişmenî bitesîr ameyî pirodayene de hûmara merde û birîndaran a dişmenî zelal nêbî. Heman roje de hêzanê ma reyna Çelê de Qilê Devê Masî de kamerayê mobese û xeylî malzemeyê eskerî yê dişmenî îmha kerdî.’’

Şirnex de 2 Leşkerî Ameyî Kiştene

HPG’yî derheqê çalakîya Şirnexî de zî nê vatî: ’’Çarçeweya Hemleya Qesasî ya Şehîde Medya Mawa û Şehîd Rizgar Geverî de 14’ê Hezîrane de hêzanê ma herêma Besta ya Şirnexî de çalakîyêk viraşte. Herêma Şehrîbane de leşkerê ke  Qilê Derîyê Berojî de ameyîbî cakerdene ameyî pirodayene. Çalakîye de 2 leşkerî ameyî kiştene. Hêzanê me bi hawayêkê hemwaxtî makînayêkê karî yê dişmenî hedef girewt, wesayît ame derbkerdene.’’

Herişê Hewayî

HPG’yî da zanayene ke teyareyanê şerî yê dewleta Tirkî 12’ê Hezîrane de dewa Yekmalê  ya Metîna, 13’ Hezîrane de herêma Şehîde Berîtane ya pabesteya Xakurkê û 14’ê Hezîrane de herêma Şehîd Şerifî yê Xakurkê bûmbardûman kerdî û vat: ‘’Herêma Şehîde Berîtanê de di embazê ma şehîd bîyî. Nasnameyê embazanê ma yê şehîdan do  rayapêroyî dir bêrê parekerdene.’’