Artêşa tirke ya îşxalkere 17ê nîsane ra nata bêmabên hêrişê Zap, Avaşîn û Metîna kena. Gerîlayî vera hêrişan çalakîyanê bitesîran kenê.

Kameraya mobese ya ke artêşa îşxalkere herêma Werxelê ya Avaşînî de ca kerdbî, hetê gerîlayan ra ameye îmhakerdene. Gerîlayan hele bi hele çalakîya xo qeyd kerde.

Gerîlayanê bi nameyê Rêvane û Çalakî vera kamera çalakîye kerde. Wird gerîlayan kameraya gerîlayan rê qisey kerd û vat: ''Leşkerê tirkî pê gerîlayan nêeşkenê, cayê xo nêteriknenê û remenê. Seba ke vera ma nêeşkenê şer bikerê dest erzenê teknolojî. Ma zî bi teknîkî şer kenê. Ma do reyna kameraya înan a mobese îmha bikerê.''

Gerîla Çalak û Rêvane çalakîye ra dima îfade kerd ke leşkerê tirkî bêîrade mendî, ancax dûrî ra pê obus, hawan û hêrişanê hewayî eşkenê şer bikerê.

Kamerayê mobese yê îmhakerdeyî mojnenê ke leşkerê tirkî nêeşkenê vera gerîlayan şer bikerê.