Merkeze Çapemenî û Îrtîbatî yê HPG’yî derhehê çalakîyanê Avaşîn û Serhadî de zanayîş da.

Goreyê eşkerayîya HPG’yî  gerîlayan mabênê 23-24’ê Gulane de herêma Avaşînî de çalakîyê ke vera artêşa Tirkî  viraştî 8 leşkerî ameyî kiştene.

Eşkeryîye de nê ameyî vatene: ‘’Çalakîya sabotajî ya 23’ê Gulane yê herêma Qilê Xwede de leşkerêk ame kiştene. Roja binî zî qirikê Grana de yewîyê dişmenî ke serê rayîrê Qilê  Xwede de ameybî cakerdene hedef ameyî girewtene. Çalakîye de 7 leşkerî ameyî kiştene û sîlehêkê pîyade yê tîpê MPT-26’î ame destfînayene. Helîkoptero tîpê Kobra ke semedê paştdayîşî ame herême o zî hetê gerîlayan ra ame derbkerdene. Gerîlayanê ke çalakîye viraşte zirarêk nêrase înan.

Hetê bînî ra hêzanê ma yê YJA Starî Bazîdê Agirî de serê rayîrê Qereqolê Şile  de wesayîtekê zirxînî yê tîpê Kobra îmha kerd. Netîceyê Çalakîye de 6 leşkerî ameyî kiştene.’’

HPG’yî da zanayene ke hêrişê hewayî yê 24’ê Gulane ke vera herêmanê Avaşîn û Zapî yê Wareyê Pawitişî yê Medya ameyî kerdene de vîndîbîyayeyê înan çîn ê.