Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

"20ê nîsane de hêzanê ma çareweya Hemleya Serkewitşê Şorişgêrî ya ke Eyaletê Serhadî de dewam kena de Badzîdê Agirî de çalakîyêke viraşte. Çalakîya ke vera leşkeranê ke Qeraqolê Ayzekî pawitêne ameye viraştene de 3 leşkerî ameyî kiştene û 1 zî birîndar bi. Badê çalakîye îşxalkeran  herême eşt bombayan ver û dima ra merde û birîndarê xo herême ra vetî. Yewîya ma ya ke çalakîye viraşte waş û war resaye cayê xo.

3ê adare de warê Heşetî yê herêma Besta ya Şirnexî de operasyono leşkerî ame destpêkerdene û eynî roje destveng peyser ancîya.

14ê nîsane de reyna waranê Nokta Numan û Nokta Kenala yê herêma Besta de operasyon ame kerdene û no zî destveng peyser ancîya.

14ê nîsane de artêşa tirke waranê Gire Çolya û Gundik Remoyî  yê pabesteyê Koyê Cûdîyî yê Şirnexî de operasyon da destpêkerdene. Şewa 15ê nîsane warê Gundik Remoyî ame bombardûmankerdene. Operasyono ke  hema dewam keno de heta nika 2 embazêma şehîd bîyî. Derheqê detayanê opesyonî de zanyîşo ke ma bîgêrê ma do rayapêroyî de pare bikerê.

20ê nîsane de teyarayanê şerî yê tirkî warê Kanî Sarkê yê Gare û warê Sileman, Mamreşo  Dola Şive ya Avaşînî bombardûman kerdî. Nê hêrişan de vînîbîyayeyê ma çîn ê.''