Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkî de eşkerayîyêke dayê û nê pare kerdî:

''Hêzanê ma 2ê gulane de warê dewa Satê ya Bedlîsî de vera yewîyêka dişmenî çalakîye viraşte.  Hêzê ma heta mîyanê yewîye şîyî û mesafeyo nizdî ra bitesîr da piro. Çalakîya ke bi tewirê fetîhî ameye viraştene û dişmen vera ci atîsya men de 7 leşkerê tirkî ameyî kiştene û xeylêk çekê înan ameyî destfînayene.

Artêşa tikre ya îşxalkere wextêko Şehîdgehê Garzanî yo ke warê Şehîde Mizgîne yê Bedlîsî de yo tîya de daran birnena. Semedê pawitişê kesanê ke daran birnenê îşxalkeran qilê Şehîde Sorxwîne de yewîyê nimiteyî cakerdî. Hêzanê ma 3 gulane de vera nînan çalakîyêke viraşte. Tesbîtkerde 4 leşkerî ameyî kiştene. Yewîyanê ma yê ke nê çalakîyî  viraştî weş war resayê cayê xo.''