Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye pare kerde û nê vatî:

''Pê Hemleya 15ê Tebaxe ya ke bi îrade û qerardarîya pîle yê fermandarê ma yê bêmergî Egîd ameye kerdene estbîyayîşê kurdan dinya rê dîya eşnawitene. Şarê kurdî tim wayîrê Têgêrayîşê Azadîye yê Kurdîstanî vejîyeno û paştî dano gerîlayan. Gerîlayî zî semedê pawitişê şar û erdê xo têkoşînê tarîxî kenê. No têkoşîno bimbarek ê estbîyayîş û azadîye bêmabên ver bi serkewtişî şino. Artêşa tirke ya îşxalkera ke nêeşkena têkoşînê hêzanê ma bişikino, çekanê kîmyewîyan şuxulnena. Têna tunele şerî yê Warê Xoverdayîşî yê Werxelê de 14ê tebaxe de 43 rey pê bombayanê taktîk nukleerî hêriş ame kerdene. Hêzê ma bi ruhê 15ê tebaxe têkoşînê xo domnenê. Detayê çalakî û hêrişan wina yê;

Botan

Herêma Cûdîyî de artêşa tirke pê paştdayîşê hemkar û kontrayan bi waştişê îşxalî qereqolan û sazgehanê neweyan ê komirî akena. Kesê hemkarî binê kontrolê dişmenî warê Bilûrvanî yê Cûdîyî talan kenê. 17ê temmuze de rayîrê mabênê Dola Hesena û Bilûrvanî de vera wesayîtê ke hemkar û kontrayan çalakîya sabotajî ameye kerdene, wesayît ame îmhakerdene.

Avaşîn

14ê tebaxe de îşxalkeran semedê keşif û hêrişî kutik şawti mewzîyanê şerî yê Warê Xoverdayîşî yê Werxelê. No kutik teberê şerî de verdîya. Eynî roje, eynî  warî de hetê hêzanê ma ra  di kamerayê mobese ameyî îmhakerdene.

Zap

Warê Xoverdayîşî yê Çemçoyî de 12 tebaxe dronêk dîya wardayene û hêzanê ma destna ey ser. 13 û 15 tebaxe de zî  hêzanê ma vera îşxalkeran çalakîyî kerdî. Nê çalakîyan de  6 îşxalkerî ameyî cezakerdene û 3 îşxalkerî birîndar bîyî. 14ê tebaxe de Warê Xoverdayîşî yê Saca de çalakîya sûîkastî yê hêzanê ma de 2 îşxalkerî ameyî cezakerdene. Eynî roje Warê Xoverdayîşî yê Girê Cûdîyî îşxalkerî bi taktîkê sûîkastî ameyî pirodayene. Na çalakîye de 2 îşxlakerî ameyî cezakerdene.''

Bombarduman

Artêşa tirke ya îşxalkere 14ê  tebaxe de  tenelê şerî yê Warê Xoverdayîşî yê  Girê FM, Karker, Werxelê û Girê Amedîyê pê bombayanê nukleer taktîkî, çekanê kîmyewîyan û droneyan dayî bombayan ver. Reyna Warê Xoverdayîşî Girê Cûdî, Girê Amedîyê, Şikefta Birîndara û Çemçoyî û warê Goşinê yê Xakurkê pê teyara, helîkopter û obusan dîyayî bombayan ver''